Sahiti: Me përforcimet e reja “KF Gjilani” synon Superligën

Gjilan – Muharrem Sahiti kryetrajner zyrtar në KF Gjilani tha për rajonipress se me përforcimet e reja që ka marrë ky klub, me organizimin e mirë dhe mbi të gjitha për faktin se tani po shndërrohet në shoqëri aksionare , “KF Gjilani” objektiv kryesor e ka hyrjen në Superligë.

KF Gjilani ka arritur të marrë pesë përforcime të reja, Labinot Haliti , Genc Sermaxhaj, Besart Morina, Armend Selmani dhe Artan Racaj.

Këto përforcime janë zyrtarizuar të mërkurën pasdite. Bashkë me këta djelmosha të rinj dhe me perspektivë KF Gjilani ka bërë zyrtare edhe angazhimin e Muharrem Sahitit si kryetrajner të klubit raporton rajonipress.

Muharrem Sahiti tha për rajonipress se dy gjëra e kanë shtyrë që të kthehet sërish në ekipin e Gjilanit. “E para “KF Gjilani” po shndërrohet në shoqëri aksionare dhe e dyta objektiv kryesor imi dhe i tërë ekipit është hyrja në Superligë. Në klub ka një atmosferë të mirë, ka një organizim të mrekullueshëm, dhe janë këta djem të rinj me plotë vullnet dhe entuziazëm që më bëjnë krenar të punojë me përkushtim e profesionalizëm në KF Gjilani” tha Sahiti./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).