Sadiku shënon golin e parë në fanellën e Vaduzit

Sulmuesi i kombëtares shqiptare, Armando Sadiku, ka shënuar golin e parë me fanellën e Vaduzit. Sadiku ishte titullar në ndeshjen që skuadra e tij e fitoi 4-2 përball ekipit polak, Lechia Gdansk.

Kjo ndeshje ishte miqësore dhe u zhvillua në Belek të Turqisë. Në repartin e sulmit bashkë me Sadikun dhe Messaoud ishte edhe sulmuesi tjetër i Kombëtares Shpresa të Shqipërisë, Albion Avdijaj.

Djaloshi shqiptar arriti të gjente rrjetën e kundërshtarit në minutën e 34-t të lojës.

Pas përfundimit të pjesës së parë, trajneri i Vaduzit, Contini, zëvendësoi dy sulmuesit shqiptarë, duke eksperimentuar me lojtarë të tjerë të ekipit.

24-vjeçari Armando Sadiku, pasi nuk gjeti hapësirën e duhur tek ekipi FC Zurich, u transferua në formë huazimi deri në fund të sezonit tek ekipi i Vaduzit, i cili gjendet në Superligën zvicerane.

Albinfo.ch