Sadiku i pavendosur

Mbrojtësi Loret Sadiku ende nuk ka vendosur se për cilën përfaqësuese do të luajë. Ditëve të fundit është raportuar se Sadiku 22-vjeçar ka vendosur të luajë për Kosovën, ndonëse ka muaj që është në pritje të debutimit te Shqipëria.

“Ende nuk e di për kë do të luaj. Nuk kam vendosur. Duhet të flas njëherë me familjen e tani të shohim”, ka thënë Sadiku.

Burime të “Panorama Sport” brenda Federatës Shqiptare të Futbollit kanë bërë të ditur të premten se pritet që Sadiku të luajë për Kosovën më 5 mars me Haitin e më pas të kthehet në kombëtaren e Shqipërisë.

Edhe me rastin e vendosjes për Shqipërinë, Sadiku nuk ishte treguar i vendosur.

Ai kishte pritur ftesë nga Suedia e pasi ajo nuk erdhi tha se do të luajë për Shqipërisë. Sadiku është pjesë e Helsingborgut dhe më herët ka luajtur për U-21 të Suedisë.