Sadik pret të shënojë gola të rëndësishëm për Thunin

Sulmuesi shqiptar Berat Sadik pret të shënojë sa më shumë gola të rëndësishëm për t’i ndihmuar ekipit zviceran, Thun të arrijë suksese këtë edicion në Superligën e Zvicrës.

Sadik 26-vjeçar në fundjavën e shkuar shënoi një gol në barazimin e Thunit përballë Aaraut me rezultatin 2:2. “Puna ime është të shënojë sa më shumë gola. Kjo është detyrë imja dhe shpresoj që të jem mirë me shëndet. Besoj se ky edicion do të jetë i mirë për mua. Shpresoj të shënoj gola të rëndësishëm për t’i ndihmuar ekipit të arrijë rezultate pozitive”, ka thënë Sadik.

Sadik në katër ndeshjet e këtij edicioni ka shënuar një gol, ndërsa ka dhënë edhe një asistim. Synim tjetër i sulmuesit nga Shkupi është që përmes golave të shënuar të kthehet në përfaqësuesen e Finlandës për të cilën ka luajtur shtatë herë deri më tani.