Sadik Jashari ishte i tërë trojeve shqiptare, veprimtaria e tij nuk njihte kufij

Gjilan – Sadik Jashari ishte luftëtarë i gjithanshëm, me fjalë, me penë, me pushkë sipas kërkesës së kohës. Ai ishte nga ata luftëtarët atdhetarë pa kufi që nuk njihte kufi, prandaj edhe veprimtaria e tij atdhetare kishte një shtrirje gjeografike gjithandej hapësirës shqiptare, në Kosovën e robëruar dhe jashtë saj, në Medvegjën e tij dhe jashtë saj, ka vlerësuar Hydajet Hyseni.

Sadik Jashari veprimtar, atdhetar e trim i pashoq për çlirimin e trojeve shqiptare sot ka bërë 13 vite që është ndarë nga jeta (1947-2003).

Për Sadik Jasharin që prejardhjen e ka nga Medvegja kanë folur shumë personalitete të shquara nga skena politike shqiptare. Ishte pjesëmarrës i shumë ngjarjeve, i kyçur dhe i angazhuar në të gjitha luftërat shqiptare ku pati stemë të UÇK-së, pjesëmarrës dhe i angazhuar aktivisht në Këshillin Politik të UÇPMB. Ishte i njohur dhe i mprehtë në qëndrimet e tija, saqë edhe Nebojsha Qoviqit ish ministër serb ik kishte thënë gjatë bisedimeve “Nuk kam tokë tepër me i dhanë Serbisë”.

Sadiku, megjithëse ishte nga Medvegja, ai ishte i tërë trojeve shqiptare, për të cilën veproi shumë.

Si e kujtojnë Hydajet Hyseni, e Jonuz Musliu veprimtarinë e Sadik Jasahrit.

Hydajet Hysesi ka thënë se mënyra më e mirë për të nderuar veprimtarët si Sadik Jashari është të ecësh rrugës së tyre dhe të realizosh ëndrrën e tyre. Ai madje e ka quajtur luftëtar që nuk njihte kufij.

“Ai ishte luftëtarë i gjithanshëm, me fjalë, me penë, me pushkë sipas kërkesës së kohës. Ai ishte nga ata luftëtarët atdhetarë pa kufi që nuk njihte kufi, prandaj edhe veprimtaria e tij atdhetare kishte një shtrirje gjeografike gjithandej hapësirës shqiptare, në Kosovën e robëruar dhe jashtë saj, në Medvegjën e tij dhe jashtë saj”, kishte thënë në 10 vjetorin e vdekjes në një akademi përkujtimore Hyseni.

Edhe ish bashkëluftëtari i tij Jonuz Musliu ka thënë se Sadiku ka qenë argat i atdheut gjithmonë dhe si i tillë ka vdekur.

Musliu kishte thënë se platforma e shqiptarëve ka qenë bashkimi i tokave shqiptare por që sipas tij nuk u luftua për këtë.
“Luftë nacionale nuk u bë, luftë për Bashkim Kombëtarë nuk u bë, kjo ka qenë edhe ideja e Sadik Jasharit dhe shokëve të tij. Sadikun e njoha në kohën më të vështirë, atëherë kur Kosova lindore kishte nevojë për shokë, trima, atdhetarë, dashamirë të cilët organizojnë dhe mbështetnin atë pjesë të okupuar. Gjatë luftës së UÇK-së dha kontributin maksimal, por pjesa tjetër e tokës shqiptare mbet përsëri nën okupimin e Serbisë, nënë ata që dëbuan dhe masakruan popullin shqiptarë”, kishte thënë ai./rajonipress/