Sabriu ka goditur në shenjë

Sabri Fejzullahu, këngëtari i hiteve të shumë krijuara të cilat ndër vite vazhdojnë të mbeten këngët më të kërkuara në opinion. Kënga e fundit “Goditje në zemër” ka bërë një revolucion në tregun muzikor, mbase pak kohë pas lansimit është mirëpritur mjaftë shumë në publik, duke iu përshtatur çdo vesh dëgjuesi. Për këtë këngë Sabriu thotë të ketë punuar bukur shumë.

“Është dashur disa muaj për ta përgatitur këngën ‘Goditje në zemër’, tekstin e së cilës e ka bërë Fatmir Muja, ndërsa orkestrimin e komponimin Virusi. Më duket se me këtë këngë kam goditur skenën muzikore, duke e vënë në binar muzikën zbavitëse”, ka thënë ai për “Zëri”. Ideja për të realizuar këtë këngë ka qenë e bashkëshortes të Sabriut e cila e ka shtyrë që kjo këngë të realizohet pikërisht në këtë sezon.

“Nera ka qenë iniciator që kënga të realizohet në këtë mënyrë dhe të plasohet në momentin e duhur, kur adhuruesit e mi kanë nevojë edhe për një këngë time në këtë fundvit. Prandaj besoj se ia kam arritur që kënga dhe klipi janë sjellë pikërisht në kohën e përshtatshme”, shton ai.

Meritë e suksesit të këngës ka tesktshkruesi, orkestruesi dhe vet Sabriu i cili ja ka dhënë shpirtin këngës me një interpretim të veçantë. Videoklipi është përgatitur nga produksion shqiptarë “Max Production” dhe sipas Sabriut është realizuar mjaftë bukur.