Sa ia vlen për ta votuar tipin e deputetit heroik?

Nga Fadil Maloku – Ky tip, dorën në zemër është specie në zhdukje e sipër në ambientin tonë politik! Por, ky ka një backgraund që na duhet edhe më tej në rrethanat aktuale.

1. Ky tip, dorën në zemër është specie në zhdukje e sipër në ambientin tonë politik! Por, ky ka një backgraund që na duhet edhe më tej në rrethanat aktuale…! Ky akoma, pranon të ndëshkohet dhe sanksionohet, si nga elitat dhe kolegët e vetë, ashtu edhe nga “Dragodani”, se sa të “shkurorëzohet” nga bindjet dhe synimet e tija atdhetare. Gjendet në të tria blloqet aktuale, veç, duhet kujdesshëm me e lyp!

2. Thënë më thjesht këtij tipi më shumë i shkojnë përshtati temat dhe vendimet kruciale për shtetin, sovranitetin dhe demokracinë, se sa për partinë, grupin apo vetveten.

3. Interesi dhe fokusi i tij, gjatë gjithë kohës së pasluftës…, nuk ishin veç temat periferike dhe ato dytësore, por kombi, gjaku, shteti, institucioni e demokratizimi! Ngaqë, vlerësimi dhe kalkulimi i këtij tipi, mbesin edhe më tej; shtetndërtimi i munguar, sovraniteti i cunguar dhe demokracia e improvizuar
Këshillë: Ndoshta duhet, sërish ta votoni këtë tip deputeti! Keni një arsye më shumë për ta mbajtur gjallë idenë e bashkimit kombëtar shqiptar!