Sa gëzim sot kanë fëmijët

Poezi nga Nijazi Kastrati

Sa gëzim sot ndjejnë fëmijtë
Edhe rrugët u gjallëruan
Shkollat sot i hapën dyert
Me gëzim për ti pranuar.

Dy nga dy e grupe grupe
Sot fillojnë për herë të parë
Gëzim i madh i pa përshkruar
Për fëmijtë në klasë të parë.

Çantat në krah e të buzëqeshur
Me gëzim këtë ditë kanë pritë
Në rroba të reja gjithë të veshur
E veçantë për ta kjo ditë.

Fillim të mbarë për gjithë shkollarët
Shumë suksese dhe shëndet
Me abetaren mbarëkombëtare
Për herë të parë mësohet sivjet!