S `ka incidente ndëretnike në Kamenicë

Gjilan – Tri incidente ndëretnike kanë ndodhur në dhjetë ditët e fundit në komunën e Kamenicës mes nxënësve shqiptarë dhe serbë në shkollat e mesme.

Vojisllav Veljkoviq, drejtor në shkollën e mesme teknike, ka informuar të ashtuquajturën ministri për Kosovën në qeverinë serbe në lidhje me incidentet, raporton B92.

Ndërkohë zëdhënësi i Policisë Rajonale, Ismet Hashani ka thënë se policia ka rritur praninë nëpër shkolla pas incidenteve.

Policia e Kosovës në rajonin e Gjilanit ka hedhur poshtë pretendimet për tensione ndërtenike në Kamenicë, përkatësisht në shkollat e përziera etnikisht.

Mediet serbe kanë raportuar se janë regjistruar disa incidente në këtë komunë mes nxënësve shqiptarë dhe serbë, duke i dhënë karakter ndëretnik rasteve në fjalë.

Por, zëdhënësi i Policisë së Kosovës për rajonin e Gjilanit, Ismet Hashani ka hedhur poshtë pretendimet për incidente ndëretnike, duke thënë se ka ndodhur një incident i vogël mes nxënëseve të shkollës, siç mund të ndodhë edhe në secilën shkollë ku vijojnë mësimet vetëm nxënësit e një etnie.

Hashani ka thënë se “Kamenica vazhdon të jetë shembull i bashkëjetesës mes shqiptarëve dhe serbëve, dhe fakt për këtë janë edhe shkollat e përbashkëta./rajonipress/