Rusia dhe Britania e Madhe përplasen për ushtrinë e Kosovës

Në mbledhjen e fundit të mbajtur nga Këshilli i Sigurimit i OKB-së, ambasadorja e Britanisë së Madhe në këtë Këshill Karen Pierce edhe njëherë ka ritheksuar se Kosova e ka të drejtën e ushtrisë së vet.

E në lidhje me këtë deklaratë të saj, ka reaguar Ambasada e Rusisë në Londër duke thënë se Mbretëria e Bashkuar dhe vendet e tjera perëndimore injorojnë kërcënimin që përbën formimi i ushtrisë së Kosovës, ndaj serbëve të veriut.

“Dëshiroj të ritheksoj se Britania e Madhe mendon se është e drejtë e Kosovës si shtet i pavarur dhe vetëqeverisës që të krijoj ushtrinë. Nuk përmban asgjë që parashikon tranzicionin e ardhshëm të FSK-së. E përsëris atë që thash në dhjetor, Kosova ka të drejtën e ushtrisë”, ishte deklarate e ambasadores britanike.

Ambasada ruse ka reaguar ndaj kësaj deklarate duke thënë se kjo ushtri përveç që përbën rrezik të drejtpërdrejtë për serbët e veriut, rrezikon edhe stabilitetin në Ballkan.

“Është për t’u habitur që përfaqësuesit perëndimorë vazhdojnë të injorojnë këtë fakt të dukshëm, për shembull, të përmendur në raportin e fundit gjysmëvjetor të shefit të Misionit të OSBE-së në Kosovë”, thuhet në reagimin e ambasadës.

Duke pretenduar se formimi i ushtrisë së Kosovës është shkelje e rëndë e Rezolutës 1244, ambasada ruse poashtu është shprehur se BE ka dështuar në ndërmjetësimin e dialogut.

Ambasadorja e Britanisë së Madhe në seancën e Kombeve të Bashkuara ka potencuar fuqishëm se interpretimi ligjor për Rezolutën 1244 të Këshillit të Sigurimit të OKB-së, nuk e ndalon formimin e ushtrisë së Kosovës.

Po ashtu, ambasadorja britanike është shprehur se nuk është e nevojshme të mbahet kaq shpesh mbledhje për Kosovën, pasi shteti po përparon drejt Evropë./zeri/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).