Rugova: Kush ka ambicie për kreun e LDK-së atë do ta shprehë në Kuvendin Zgjedhor

Emrat e pesë kandidatëve po lakohen se janë në garë për kreun e LDK-së dhe kandidaturat pritet t’i bëjnë publike në Kuvendin Zgjedhor, i cili do të mbahet këtë të shtunë. Ndonëse ende zyrtarisht nuk dihet se cilët janë kandidatët për kryetar të LDK-së mësohet se Isa Mustafa po synon ta marrë edhe për një mandat drejtimin e partisë, shkruan gazeta “Zëri”.

Për të marrë përgjegjësinë e liderit të LDK-së është shprehur i gatshëm edhe ish-presidenti Fatmir Sejdiu. Po ashtu në opinion po lakohet edhe emri i kryetarit të Komunës së Gjilanit Lutfi Hazirit, i kreut të Podujevës Agim Veliut, si dhe i deputetes Vjosa

Nënkryetari tjetër i LDK-së, Haki Rugova, nuk përmendi emrat e kandidatëve për kryetar të partisë. Ai shtoi se LDK-ja është në diskutime për kandidatët, të cilët do të bëhen publikë ditën e Kuvendit Zgjedhor.

“Kandidaturat do të shpallen në Kuvend. Unë nuk mund as ta pohoj e as ta mohoj kandidaturën time, kush ka ambicie për kryetar atë do ta shprehë në Kuvend. Ne do të provojmë të arrijmë marrëveshje brenda dy-tri ditëve dhe me një qëndrim të përbashkët do të dalim me kandidaturat”, ka thënë Rugova për “Zërin”.

Ai deklaroi se është e rëndësishme të ketë kandidatë të duhur dhe procesi i zgjedhjes së kryetarit të mos ndërlidhet vetëm me një emër.

“Po presim të jetë një kuvend i suksesshëm, kuvend i vlerave dhe kjo është ajo që ne presim. Nuk janë interesante vetëm kandidaturat, me rëndësi është që procesi të përfundojë mirë dhe të jenë kandidatët e duhur, kushdo qofshin ata”, ka deklaruar ai./ZERI