Rrugëtimi drejt “xhehenemit” në kërkim të “xhenetit”

Fitim Lladrovci (në foto) ka marrë gruan në luftën e Sirisë, ndërsa Agim Arifi gruan dhe dy fëmijët.Të dy në Kosovë kanë pasur të kaluar kriminale dhe kanë qenë të dënuar. Shkuarja e tyre në Siri me familje dëshmon se lufta fetare atje po bëhet më e dhimbshme për shumë familje kosovare.

Për bashkëveprimtarët e tyre në Kosovë, të arrestuar muajin e kaluar, Prokuroria ka kërkuar vazhdim të paraburgimit, shkruan sot Koha Ditore..

Kur Fitimi kishte vendosur të largohej nga shtëpia, e ëma e kishte këshilluar ta merrte nusen me vete.

“Merre robin, mos ma le këtu”, tregon Hajria bisedën me djalin e saj në prill të këtij viti. Ajo e dinte që Fitim Lladrovci (24 vjeç) do të shkonte në Mal të Zi për punë. Por Mali i Zi për të ishte vend transit për të arritur në Turqi e pastaj në Siri.