Rruga që ngjallë shpresat për jetesë të dinjitetshme në brezin kufitar

Gjilan – Asfaltimi i rrugës Dobërçan – Pogragjë – Stublinë e paraparë për vitin 2019 në kuadër të Ministrisë së Infrastrukturës ka ngjallur shpresat tek banorët e brezit kufitar. Kjo rrugë konsiderohet arterie e rëndësishme dhe pikë kyçe që lidh shumë familje të fshatrave kufitare me Kamenicën dhe Bujanocin.

Ishte Rexhep Kadriu zv.ministër që e bëri publik projektin e rrugës Dobërqan – Pograxhë – Stublinë. Ky projekt dhe asfaltimi i kësaj rruge që ka një kosto mbi 800 mijë euro ka ngjallur shpresat tek shumë familje dhe banor në fshatrat kufitare Bilinicë, Llovcë, dhe Stublinë.

Kjo rrugë konsiderohet si arterie e rëndësishme dhe pikë kyçe që lidhë shumë familje të brezit kufitare me familjet e tyre në Kamenicë e Bujanoc.

Rruga gjithashtu ngjallë shpresat për një jetë të dinjitetshme sepse zhvillon ekonominë dhe turizmin rural.

Zymer Osmani banor nga Stublina thotë se asfaltimi i rrugës Stublinë – Dobërqan dhe rregullimi i urës që tashmë është dëmtuar tërësisht ngjallë shpresat tek familjet e mbetura. “Ne kemi shumë familje tonat në Dobërqan dhe kemi mundësi të bëjmë biznes më të lehtë në Gjilan, Kamenicë apo Bujanoc. Kjo rrugë është një trekëndësh shumë i rëndësishëm për ne” tha Osmani.

Banorët falënderojnë Rexhep Kadriun për këtë kujdes institucional që ka treguar ndaj tyre. “E dimë që kjo rrugë është e kushtueshme dhe këtu as që bëhet fjalë për fushatë zgjedhore apo ndonjë interes tjetër, thjesht ne jemi përfitues potencial dhe kjo rrugë është shpresa e vetme që ne të mbijetojmë” u shpreh Osmani./rajonipress/