Rruga e re te Kodra e Dëshmorëve afër përfundimit

Gjilan – Kanë vazhduar punimet për asfaltimin e rrugës së re te Kodra e Dëshmorëve. Kjo rrugë e bënë më të lehtë dhe më të shpejt vajtje-ardhjen nga qendra e qytetit. Punimet të cilat po zhvillohen atje i ka parë nga afër edhe kryetari i Komunës së Gjilanit, Alban Hyseni.

Hyseni tha se në prag të Ditës së Çlirimit, vizituan nga afër punimet në Kodrën e Dëshmorëve, në vendin e përjetësisë së heronjve tanë.

“Rruga që po finalizohet do të lidhë lagjen Kodra e Dëshmorëve me rrugën qarkore, duke lehtësuar qarkullimin dhe duke i dhënë edhe më shumë dinjitet e madhështi Kompleksit Memorial”, tha Hyseni./rajonipress/