Rrahman Paçarizi, zgjedhet kryetar i bordit të RTK-së

Bordi i Radiotelevizionit të Kosovës, zgjodhi sot me shumicë votash, Rrahman Paçarizin, kryetar dhe Aleksandar Janicijevicin nënkryetar.

Kryetari i ri i Bordit të RTK-së, Rrahman Paçarizi, tha se në bashkëpunim me menaxhmentin, do të vazhdohen me përkushtim angazhimet për zgjidhjen e problemeve financiare e teknologjike dhe për përmirësimin e vazhdueshëm të programit të Televizionit, radiove dhe të web sajtit të RTK-së, thuhet në një njoftim të RTK-së.

Ai tha se Bordi i ri, me numër më të madh anëtarësh, do të mund të shtyjë përpara procese të rëndësishme për zhvillimin e transmetuesit publik të Kosovës.