Rovena Dilo rrëfen momentin më të vështirë në jetë

E ftuar në “Natë me Aulonën”, këngëtarja Rovena Dilo ka rrëfyer pasazhe nga jeta personale dhe profesionale. Midis tyre, artistja ka folur për humbjen e babait, 20 vjet më parë, që për të ka qenë momenti më i vështirë në jetë.

“Momenti më i vështirë, e kam shumë shumë të thjeshtë dhe do doja që të mos kisha më momente të tilla. Ka qenë kur më dhanë lajmin që babai im kishte vdekur. Ishte viti 2002. Nuk isha në Tiranë dhe personi që ishte me mua ma tha këtë gjë. Kur më thuhet kjo gjë e imagjinoj prapë atë moment. Po ka dhe një lloj madhështie sepse shikon sa i fortë është njeriu në momentet më të tmerrshme. Unë kam ndryshuar shumë pas vdekjes së babait. E kuptova që gjërat nuk ishin të përjetshme dhe nuk i kishim ne në dorë. Kur ti e ha këtë shuplakë, fillon dhe reflekton. Nuk është njëlloj pa baba as pa nënë”, tregoi Rovena Dilo e cila u prek teksa rrëfente.

Kujtojmë se artistja prej kohësh drejton emisionin “Fol me mua”, në Faxnews.