Romët e Kamenicës kërkojnë rregullimin e varrezave

Gjilan – Varrezat rome sipas Safet Ahmetit janë të vjetra deri në 30 vjet, por të cilat ende nuk kanë as rrugë. Kërkesa e romëve për rregullimin e varrezave të tyre është mbështetur nga anëtarët e komitetit për komunitete.

Komiteti për Komunitete në Kamenicë ka aprovuar kërkesën e komunitetit romë që të rregullohen varrezat e tyre, të cilat aktualisht janë në gjendje të mjerueshme. Në takimin e këtij komuniteti zëvendëskryesuesi shtesë për komunitete Zhivojin Milkopoviq,ka dhënë dritën e gjelbër për ta quar kërkesën e romëve në Komitetin për Politikë dhe Financa.

Kërkesa e romëve është bërë në emër të Safet Ahmetit i cili duke elaboruar problemin e varrezave rome ka shtuar se është e domosdoshme rrethoja e varrezave dhe hapja e rrugës, meqë varrezat janë të vjetra deri në 30 vjet,por të cilat ende nuk kanë as rrugë ,meqë atje shkohet arave.

Kjo kërkesë e romëve është mbështetur nga të gjithë anëtarët e komitetit për komunitete, dhe si e tillë do të dërgohet për shqyrtim në KPF./rajonipress/