Roma raportohet se ka hequr dorë nga transferimi i Granit Xhakës.
Futbollisti nga Kosova që nga viti i kaluar është i lidhur me një kalim në “Olimpico”, por një lëvizje të tillë duket se po shkon drejt dështimit – transmeton Gazeta Express.
Sipas “Il Tempo”, bisedimet janë ndaluar pasi Roma nuk është pajtuar me çmimin e kërkuar nga Arsenali për shitjen e Xhakës.
“Topçinjtë” thuhet se po refuzojnë të shesin reprezentuesin e Zvicrës për nën 20 milionë euro dhe një numër i klubeve të tjera tashmë po ndjekin nga afër zhvillimet.
29-vjeçari ishte sërish i rregullt në formacionin e Arsenalit në sezonin e fundit, por ai nuk mendohet të jetë në planet e trajnerit Mikel Arteta për të ardhmen.
Granit Xhaka me londinezët ka kontratë të vlefshme deri më 30 qershor 2024. /Gazeta Express/
