Rizespori, ofertë të re për Sadikun
Rizespori e ka përgatitur një ofertë të re për Loret Sadikun, i cili mund të largohet nga Helsingborgu gjatë kësaj vere.
Klubi suedez e kishte refuzuar ofertën e parë të atij turk për 21 vjeçarin, ndërsa tash mund të hapen sërish bisedimet, pasi që propozimi i ri i turqve është më i arsyeshëm.
“Rizespori e ka bërë një ofertë të re. Ajo ka arritur të shtunën. Është një mundësi interesante, të cilën do ta provoja. Nuk ka asnjë klub tjetër që do të shpenzonte aq para për një lojtar aq të ri”, ka thënë Sadiku për mediat suedeze.
Rizespori ishte në kërkim të futbollistit kosovar qe një kohë të gjatë. Trajneri i klubit turk e ka studiuar mirë lojën e Sadikut.
“Fakti se ai ka qenë këtu, më bën të ndihem mirë. Ndiej se mund ta bëj hapin e radhës, por dua ta theksoj se unë nuk duhet të largohem tash”, përfundoi Sadiku.