Rizespor pas Sadikut

Qendërmbrojtësi kosovar me pasaportë suedeze, Loret Sadiku është duke u kërkuar me ngulm nga skuadra turke, Rizespor.

Skuadra e famshme turke e cila këtë edicion është rikthyer në Superligë, është tejet të interesuar për mbrojtësin 21-vjeçar i cili po kërkohet nga Suedia dhe Shqipëria që ta inkuadrojnë në Përfaqësuese.

Siç kanë raportuar mediat suedeze, skuadra turke ka shprehur interesim për të ndërsa në ditët në vijim mund të ketë diçka konkrete.

Agjenti i lojtarit, Hasan Cetinkaya, ka bërë të ditur se Rizespor do të ishte një mundësi e mirë për Sadikun. “Në rast transferimi në Rizespor do të ishte një hap shumë i madh për Loretin, por do të flasim më vonë për këtë”, tha Cetinkaya.(tribuna)