Rita Ora në koncert me Jenifer Lopez dhe Madonën

Rita Ora, është ftuar që të performojë në koncertin bamirës “Gucci’s Sound of Change”, që mbahet më 1 qershor, në Londër.

Beyonce Knowles – e cila është edhe drejtoreshë artistike e koncertit – ka ftuar edhe këngëtaren Jennifer Lopez për të performuar në skenën ku do të ngjiten edhe Florence and the Machine, Ellie Goulding, HAIM dhe Rita Ora.

Mes emrave të konfirmuar të profilit të lartë që do të paraqiten në Twickenham Stadium, është edhe Madona, së bashku me Jessica Chastain, Blake Lively, Freida Pinto, Zoe Saldana dhe James Franco, transmeton MIA.

Të gjitha të ardhurat nga ngjarja katër-orëshe do të shkojnë në fondin për bamirësi të “Gucci Chime for Change”, një nismë e themeluar nga Knowles, Salma Hayek-Pinault dhe Frida Xhanini, me qëllim të theksimit të çështjes së gruas në nivel global, duke bërë thirrje për më shumë cilësi në arsim, shëndetësi dhe drejtësi.