Rita Ora ndjenjë e bukur të jesh ambasadore e vendit tend

Me rastin e koncertit të saj të mbajtur të hënën në Zyrih, Rita Ora ka folur për mediat zvicerane për përvojën e saj të mire me Zyrihun, për luftën në Kosovë përndjekjen që ishte ushtruar ndaj shqiptareve atje dhe, serish, për krenarinë që ndjen me përkatësinë e saj si shqiptare e Kosovës, ka thënë për televizionin “20 minute”.

E pyetur nga gazetarja se a është krenare për prejardhjen e saj nga Kosova, Rita thotë:

“Po, shumë. Ne jemi një komb i vogël. Kur dikush prej nesh arrin diçka, kjo është punë shumë e madhe. Është ndjenjë e bukur mundësia e paraqitjes si ambasadore për vendin tim”.

Ajo po ashtu ka thënë se, para se te vinte për të kënduar në Zurich , nuk e ka pasur idenë se në Zvicër ka kaq shumë shqiptare.

Ndërsa pyetjes se nëse do ta arrinte këtë që ka arritur, në rast se do të kishte jetuar në Kosovë, Ora i përgjigjet se megjithatë, në Kosove nuk do të kishte këtë shans.

“Mundësitë atje janë të kufizuara, por unë jam e sigurt se kjo gjë do të ndryshoje”.

Rita me tutje ka thënë se kur familja e saj e ka sjellë atë si fëmijë në Londër, ka qenë vetëm një vjeç, kështu që e ka braktisur Kosovën shumë kohë para se atje të niste lufta.

“Por gjyshërit e mi qenë dëbuar nga shtëpia e tyre dhe gjyshi që sëmurë rëndë. Megjithatë, kjo është vetëm një nder miliona historitë e ngjashme. Unë kisha fat”.

Duke iu kthyer suksesit në karrierën muzikore, Rita Ora thotë: “Është e pabesueshme! Unë e pickoj për çdo dite vetën, për t’u siguruar se nuk jam duke ëndërruar”, transmeton Koha Jonë.