Rita Ora artistja e re më e mirë në Britani

Këngëtarja me origjinë nga Kosova, Rita ORA, ka fituar një çmim nga revista më e madhe britanike, “The Sun”, pas sukseseve të saj të jashtëzakonshme vitin që po lëmë pas.

The Sun ka publikuar çmimet e britanikëve më të mirë të vitit në atë që tabloidi quan “Bizzare Awards” dhe që është rubrika e showbizit.

Rita radhitet në mesin e më të mirëve, duke fituar çmimin e artistit më të mirë të ri të vitit.

Krahas Ritës që kanë fituar çmimin e “The Sun” janë Robbie Williams që ka fituar çmimin e mashkullit më të mirë të vitit, teksa Emeli Sande është shpallur femra më e mirë e vitit.

Sportisti më i mirë është shpallur Andy Murray, ndërsa filmi më i mirë i vitit sipas kësaj të përditshmeje vritanike është “Skyfall”.