Rindërtimi i Kadastrit, qytetarët informohen për hapat dhe përfitimet

Kamenicë – Drejtoresha e Drejtorisë për Pronë, Gjeodezi dhe Kadastër, Burbuqe Leka, ka njoftuar qytetarët se kanë filluar takimet informuese në kuadër të projektit për Rindërtimin e Kadastrit, me qëllim përmirësimin e saktësisë së të dhënave pronësore dhe rritjen e sigurisë juridike për qytetarët.

Gjatë kësaj faze, Drejtoresha Burbuqe Leka, ka mbajtur dy takime informuese me banorët e Hogoshtit dhe Moçarit, ku është vërejtur një interesim i madh nga qytetarët për këtë proces të rëndësishëm.

Në këto takime morën pjesë edhe përfaqësues institucionalë dhe profesionalë, përfshirë Kryeshefin e Agjencisë Kadastrale të Kosovës, Faik Kelmendi, Shefin e Sektorit të Kadastrit, Driton Sylaj, si dhe zyrtaren Ilirida Zubaku, së bashku me ekipin punues të operatorit të kontraktuar.

Gjatë prezantimeve, qytetarët u informuan në detaje për rëndësinë e këtij projekti, procedurat që do të ndiqen dhe përfitimet që sjell për pronat e tyre./rajonipress/