Rezoluta e dështuar, mollë sherri mes pushtetarëve dhe opozitës

Bujanoc – Kryetari i asamblesë komunale të Bujanocit, Hajredin Hyda, duke e qartësuar të shtunën çështjen e konkluzave të ndërmarra në mbledhjen e VII të punës së kuvendit, në një deklaratë për “Presheva Jone”, shpjegoi se “shefi i këshilltarëve të LPD-së, Adnan Salihu në ditën e parë të seancës gjatë diskutimit për rendin e ditës ka propozuar një pikë të rendit të ditës mbi reciprocitetin në të cilin ai i ka cekur shumë gjëra që i preokupojnë banorët e komunës së Bujanocit në raport me vështirësitë që hasin me Republikën e Kosovës duke i përmendur dokumentacionet e udhëtimit, diplomat e shkollimit, patentë shoferët etj.”

Duke qenë, po ashtu i shqetësuar, Hyda në vazhdim ka theksuar se , për këto probleme dhe duke menduar se hartimi i një konkluzioni në të cilin do të përfshiheshin të gjitha këto kërkesa për t`iu adresuar qeverive respektive të Kosovës dhe Serbisë, po ashtu edhe bashkësisë evropiane dhe duke u mbështetur në kompetencat e kuvendit komunal të Bujanocit, dhe duke u bazuar në nenin 32. Alinea 1 pika 20 te ligjit mbi vetadministrimin lokal, si dhe në nenin 35. alinea 1 pika 23 të statutit të komunës se Bujanocit, në e futëm në rend të ditës pikën:Konkluzion mbi reciprocitetin në dokumentacion, kurse konkluzioni mbi të drejtat reciproke me veriun e Kosovës, nuk është paraparë fare me këtë pikë.

“Në konkluzionin që unë e kam përgatitur kanë qenë të parapara të gjitha kërkesat e lartshënuara kurse konkluzionin që ka dashur ta imponojë, Shaip Kamberi në të cilin konkluzion pos retorikës shaipiane nuk ka asgjë konkrete pos që ka dashur edhe njëherë të na i lexoi konventën mbi të drejtat universale të njeriut, ndërsa në konkluzionin që ai, e ka nxjerrë më 26.12.2011 kur ishte në postin e kryetarit të komunës, ai konkluzion i përngjet një kocke të vogël, kurse tash në opozitë me konkluzionin e tij Bujanocin dëshironte që në stilin e këngëve të Naser Gjinocit (Minatori) ta shpallte Kontinent. E kam parë të udhës që kuvendi Komunal ta adresojë një konkluzion me kërkesa konkrete dhe jo me fraza abstrakte.” ka sqaruar kryekuvendari i Bujanocit , Hyda.