Mobi Casa

Rezarta Shkurta shpallet e pafajshme

/ 2 minuta lexim

Vendimi është marrë të enjten nga gjykata e Rrethit Tiranë pasi më herët Prokuroria në pretencën e saj kishte kërkuar dënimin me disa ditë punë të detyrueshme.

“Jam e lumtur t’ju njoftoj se përsa i përket akuzave të bëra ndaj meje nga zonjushë Rozana Radi, gjykata sapo dha vendimin e saj, ku me shpall mua të pafajshme”, thotë Rezarta Shkurta menjëherë pas vendimit që u mor një orë më parë, raporton NOA.

“Ndihmë shumë e madhe për të nxjerrë të vërtetën kanë qenë dëshmia e dy policëve në vendngjarje, ku kanë deklaruar se Rozana ka qenë e dhunshme dhe në gjendje të droguar”, thotë Rezarta.

Uji Dea

Më tej këngëtarja e njohur paralajmëron: “Gjithsesi unë nuk do ta lë me kaq, e dashur Rozanë po ta them publikisht, do të të hedh në gjyq për faktin që u mundove të hedhësh “baltë” në imazhin tim. Uroj të jesh në gjendje të më paguash dëmshpërblimin”.

Në fund, Rezarta e ka dhe një falënderim: “Faleminderit të gjithë atyre që besuat tek unë që në fillim edhe kur një pjesë e mirë e medias shtrembëruan të vërtetën. Qesh mirë kush qesh i fundit nga Rezarta Shkurta”. /noa/