Revoltohen qytetarët, nëpër park kalohet vetëm me çizme

Gjilan – Qytetarët e vjetër dhe ata që e kanë frekuentuar rregullisht parkun e qytetit janë revoltuar me pamjet e fundit që tregojnë një degradim të skajshëm dhe i japin Gjilanit një pamje të zymtë e të keqe.

Osman Ibrahimaj është një qytetar i pasionuar pas ecjes dhe ambientit të pastër. Gjendja e mjerueshme në parkun e qytetit e ka prekur rëndë dhe ka reaguar edhe në rrjetet sociale.”Turp ma të madh nuk ka bërllokun në park me pa, kush kalon duhet me çizme me kalue se përndryshe nuk mundesh me kalue. Ku janë zyrtarët komunal a kalojnë najë here nëpër park a jo. Kërkojë urgjentisht që sa më shpejt të pastrohet rruga dhe tavolinat dhe të aktivizohet Eco – Higjiena” ka thënë Osmani.

Ndryshe Gjilani është krenuar gjithmonë me parkun e vetëm që e kanë në zemër të qytetit. Është mirëmbajtur mirë e pastër, por katër vitet e fundit, mos marrëveshjet dhe inatet klanore, personale e mafioze e shkatërruan pothuajse partneritetin e shëndoshë mes “Eco – Higjienës” dhe komunës.

Po japim më poshtë një foto ku shihet parku dikur, i pastër, i këndshëm për ta parë e frekuentuar, krahasuar me tani që po shndërrohet në një kufomë kundërmimi. /rajonipress/