Reshjet e shiut vështirësojnë qarkullimin në disa akse rrugore në Gjilan

Gjilan – Si pasojë e reshjeve të fundit dhe gjendjes së krijuar në disa segmente rrugore, Komuna e Gjilanit u ka bërë thirrje qytetarëve që përkohësisht të shmangin qarkullimin në rrugën për Kufcë në Malishevë, në rrugën ndërmjet dy fshatrave Livoq, si dhe në magjistralen Gjilan -Ferizaj, konkretisht në zonën e udhëkryqit të rrugës së Cërnicës.

Deri në qetësimin e situatës, qytetarët këshillohen të shfrytëzojnë rrugë alternative dhe të tregojnë kujdes të shtuar gjatë lëvizjes, me qëllim të shmangies së rrezikut dhe lehtësimit të qarkullimit.

Sipas njoftimit të Komunës së Gjilanit, zyrtarët kompetentë dhe ekipet në terren janë duke përcjellë nga afër gjendjen dhe duke ndërmarrë veprimet e nevojshme për menaxhimin e situatës. Për çdo zhvillim të ri, qytetarët do të njoftohen me kohë./rajonipress/