Remzi Ahmeti, profesori që edukoi breza dhe la gjurmë të pashlyeshme në arsimin gjilanas

Gjilan – Pas një karriere të gjatë dhe të ndritur në shërbim të arsimit, Remzi Ahmeti, profesor shumëvjeçar dhe së fundmi edhe inspektor i arsimit, përmbylli me dinjitet dhe sukses rrugëtimin e tij profesional. Megjithatë, largimi nga detyra nuk e zbeh aspak praninë e tij në kujtesën kolektive, sepse profesor Remziu mbetet një nga figurat më të respektuara dhe më të dashura që ka njohur arsimi në Gjilan. Për dekada me radhë, ai ishte zëri i dijes, i urtësisë dhe i përkushtimit në bankat shkollore të Gjilanit, duke edukuar breza të tërë me ndershmëri, disiplinë dhe vlera njerëzore. Edhe pse sot është në pension, trashëgimia profesionale dhe morale e Remzi Ahmetit vazhdon të jetojë në mendjen dhe zemrat e atyre që i edukoi, i udhëzoi dhe i frymëzoi.

I njohur për zellin, korrektësinë dhe përkushtimin e tij të palëkundur, Remzi Ahmeti ka edukuar dhe formuar shumë gjenerata nxënësish, duke lënë gjurmë të thella jo vetëm në dije, por edhe në formimin njerëzor e qytetar të tyre. Ai ishte profesor i fjalës së matur, i qasjes së ngrohtë dhe i respektit të ndërsjellë, gjithmonë i sinqertë me nxënësit, i afërt, por njëkohësisht kërkues dhe parimor.

Në historinë e arsimit gjilanas, profesor Remzi Ahmeti do të mbahet mend si një nga pedagogët më të përkushtuar të të gjitha kohërave, i cili me edukatën e tij familjare dhe profesionale u bë shembull për kolegët dhe udhërrëfyes për nxënësit. Kujdesi i tij ndaj secilit nxënës, qetësia në komunikim dhe përkushtimi i vazhdueshëm ndaj punës e bënë figurë të pazëvendësueshme në sistemin arsimor.

Për profesor Remziun ka shumë për të thënë e për të shkruar. Ai punoi pa zhurmë, por me përkushtim të jashtëzakonshëm, duke u dhënë brezave të rinj jo vetëm dije akademike, por edhe vlera njerëzore që mbeten përjetë.

Si inspektor i arsimit, ai u shqua për punë sistematike, të palodhshme dhe profesionale, duke qenë gjithmonë i vëmendshëm dhe mbështetës ndaj edukatorëve, këshillëdhënës i urtë dhe zë i arsyes në shërbim të arsimit cilësor.

Edhe pse sot është në pension, trashëgimia profesionale dhe morale e Remzi Ahmetit vazhdon të jetojë në mendjen dhe zemrat e atyre që i edukoi, i udhëzoi dhe i frymëzoi.

Profesorë si ai janë pasuri e rrallë e shoqërisë dhe do t’i mungojnë gjatë arsimit, por shembulli i tij mbetet udhërrëfyes për brezat që vijnë.

Ka njerëz që arsimin nuk e ushtrojnë thjesht si profesion, por e shndërrojnë në mision jete. Remzi Ahmeti është njëri prej tyre.

Për dekada me radhë, ai ishte zëri i dijes, i urtësisë dhe i përkushtimit në bankat shkollore të Gjilanit, duke edukuar breza të tërë me ndershmëri, disiplinë dhe vlera njerëzore. Edhe pse sot ka dalë në pension, gjurma e tij në arsimin kosovar mbetet e thellë dhe e pashlyeshme, sepse mësues të tillë nuk harrohen kurrë./rajonipress/