Rektorati i ka borxh 1.5 milion euro ATK-së

Rektorati i Universitetit publik të Prishtinës “Hasan Prishtina”, ia ka borxh afro 1.5 milion euro Administratës Tatimore të Kosovës, për tatimet e pashlyera gjatë pesë vitesh.

Burime të “Koha Ditore” bëjnë të ditur se ATK vetëm pak kohë më parë ia ka rifaturuar këtë shumë të borxhit Rektoratit të UP’së, por nuk ka arritur të marrë asnjë cent nga arka e tij.

Zyrtar të ATK’së kanë refuzuar të flasin në lidhje me shumën e borxheve mbi obligimet tatimore që ka ndaj tyre UP, ndërsa drejtues të Rektoratitkanë konfirmuar shifrat e borxhit, por nuk kanë treguar arsyen e mospagesës së borxhit për pesë vjet.

ATK është arsyetuar se nuk i lejon ligji të bëjë publik emrat e borxhlinjve, derisa UP thotë se ky borxh ka nisur të mblidhet prej vitit 2002 e deri në vitin 2007.