Rekord:12 orë mbi timon shoferi i autobusit nga Kosova

Një shofer autobusi është arrestuar të dielën pas dymbëdhjetë orë vozitjeje pandërprerë të autobusit në autostradën (A2), në St Johan, në rrethin Hartberg të Austrisë. Shoferi i autobusit ka tejkaluar 17 herë kohën e pushimit.

Policia kishte urdhëruar atë dhe pasagjerët për të pushuar deri në mbrëmje në Hartenberg, raporton ORF.

Një herë në javë, një autobus nga Kosova ka për destinacion Vjenën. Pasagjerët janë kryesisht nga Vjena, të cilët vizitojnë të afërmit në Kosovë, dhe kosovarët të cilët punojnë në Vjenë.

Të dielën në mëngjes, një autobus ishte kthyer në rrugë. Për shkak të shpejtësisë së tepruar të shoferit, autobusi ishte ndaluar nga një patrullë policore në autostradën Hartenberg.

Rekord në timon të autobusit kishte shënuar shoferi i ndaluar nga policia, të cilët u befasuan për të keq, sepse ishte për dymbëdhjetë orë pa ndërprerë në rrugë. Madje në autobus nuk kishte një shofer të dytë të regjistruar.

Policia kishte zbuluar se 59-vjeçari nuk kishte respektuar kohën e pushimit në gjashtë ditët e fundit. Policia tha se shoferi do të vazhdojë vozitjen vetëm pas nëntë orëve të ardhshme. Ai gjithashtu është detyruar të paguajë një depozitë sigurie prej 2200 euro.

Pasagjerët kosovarë u dërguan në Hartberg për të pushuar. Jo vetëm kaq, policia tha se autobusi kishte edhe defekte, por nuk ka bërë të njohur kompaninë eudhëtimit.(albinfo.ch)

Shpërndaje.
© RAJONIPRESS