Redon Xhixha shpërthen me dy gola në Ligën e Kampionëve

Redon Xhixha është në top formë dhe këtë e ka dëshmuar edhe sonte në Ligën e Kampionëve.

Sulmuesi shqiptar ka qenë protagonist në rrethin e dytë të Ligës së Kampionëve, në sfidën mes Rakow dhe skuadrës së tij Qarabag.

Ish-anëtari i Tiranës ka shënuar dy gola në humbjen e skuadrës së tij 3-2 në ndeshjen e parë të zhvilluar në Poloni.

Edhe pse kampionët e Polonisë kishin epërsi prej dy golave 2-0, Xhixha arriti që në minutën e 73-të të realizonte golin e parë, duke goditur saktë me kokë pas një harkimi nga e majta.

Vetëm dy minuta më vonë, 25-vjeçari shqiptar doli sërish në skenë ku devijoi topin nga afër golit me shpatull për ta barazuar rezultatin përkohësisht.

Në fund të ndeshjes, Rakow realizuan golin e fitores 3-2, derisa sfida e kthimit zhvillohet pas një jave në Azerbajxhan.

Xhixha është në top formë, pasi edhe në raundin e parë të Ligës së Kampionëve realizoi dy gola në dy ndeshje ndaj Lincoln Red Imps. /Telegrafi/