Reagon Valentina: Si do të justifikohet Haradinaj para qytetarëve?

Gjilan – Po kërkohet shkarkimi i ministrit Rikallo. E drejtë nëse vërtetohet, por ku po mbetet justifikimi i kryeministrit para qytetarëve. Ku po mbetet besimi ndaj institucionit të lartë shtetëror si AKI kur e mbrojtën brenda 24 orëve ministrin e kryeministrit ka shkruar Valentina Bunjaku Rexhepi deputetja gjilanase nga radhët e LDK-së.

Postimi i saj i plotë

Reagim qytetar!!
U dashtë 2-3 ore m’i prit Listën Serbe nga Beogradi për me erdh ne kuvend mi ja bë numrat Ramush Haradinajt për kryeministër.

Dhe posa u bënë publike ministrat e qeverisë Haradinaj, edhe ashtu pa ndonjë program të prezantuar para qytetarëve, tash edhe po i njohim ma shumë!!Qytetarët e njohën ministrin e tij Rikalo posa u bë ai fytyrë e njohur dhe atë, ata nuk e harruan kur ishte fytyrë e frikshme.

Ata (qytetarët) nuk bënë lojë me numra, por po tregojnë një histori që dikur ka ndodhur në pragun e tyre, në banesat e tyre në Dardaninë e Prishtinës. E ministrin Rikalo nuk është vështirë me mbajt në mend (nga viktimat) nëse ai vërtetë ka marr pjesë në ato ditë trishtimi për vendin tonë.

Po kërkohet shkarkimi i tij. E drejtë nëse vërtetohet, por ku po mbetet justifikimi
i kryeministrit para qytetarëve.
Ku po mbetet besimi ndaj institucionit të lartë shtetëror si AKI kur e mbrojtën brenda 24 orëve ministrin e kryeministrit.

Apo ndoshta Ramush Haradinaj nuk mundet tash me shkarku (nuk e dijme tekefundit çfarë marrëveshje bene) sepse mori përkrahjen e Beogradit për tu bërë patjetër kryeministër dhe sigurisht se tash nuk mundet me marr bekimin e tyre për shkarkimin e tij.

Shumë guxim pati shfaqur kundër Jabllanoviqit (si edhe VV) por si duket i humbi ndaj Rikalo-s.

Shpresojmë të ketë ndërgjegjen e pastër…..dhe të veprojë drejtë ka shkruar Bunjaku- Rexhepi./rajonipress/