Reagon Qemajl Mustafa: Mos bini viktimë e profileve private

Gjilan – Në emrin tim dhe në emër të degës së PDK në Gjilan ju lus që të mos bini viktimë e profileve private në rrjetet sociale (që përgjatë fushatave zgjedhore janë në shumicë edhe mashtruese e të rrejshme) të cilat, kanë filluar të bëjnë “sondazhe” bajate dhe të promovojnë “kandidatë” të pa miratuar nga subjektet e tyre politike.

Postimi i plotë i Qemajl Mustafës

Qytetarë të Gjilanit,
Anëtarë e simpatizantë të PDK,
Anëtarë e simpatizantë të të gjitha subjekteve politike,
Në emrin tim dhe në emër të degës së PDK në Gjilan ju lus që të mos bini viktimë e profileve private në rrjetet sociale (që përgjatë fushatave zgjedhore janë në shumicë edhe mashtruese e të rrejshme) të cilat, kanë filluar të bëjnë “sondazhe” bajate dhe të promovojnë “kandidatë” të pamiratuar nga subjektet e tyre politike.

Sa është e (pa)menduar mirë kjo huti e kjo mjegull që këto profile po ia bëjnë anëtarësisë së subjekteve politike, po aq i (pa)menduar është prononcimi i ndonjërit nga këta “kandidatë” se do të jenë ose jo, pjesë e garës së sivjeme nacionale.

Kandidaturat shpallen në forumet e partive dhe atje edhe bëhet miratimi i tyre. Kandidaturat dhe miratimi i tyre bëhen për të mirën e organizatës dhe shoqërisë e jo për joshje personale të individëve.

Jeta e organizuar nënkupton para së gjithash pranimin e rregullave dhe kritereve të vendosura nga shumica. E gjithë kjo bëhet me qëllim të funksionimit të mirë e të rregullt më të cilin pastaj bëhet maksimalizimi i efektit të punës.

Shpresoj të jem kuptuar drejtë nga të apostrofuarit në këto profile që për mua janë plotësisht “fake” dhe në shumicë destruktive.
Vetëm rregulli, uniteti dhe puna e palodhshme drejtë qëllimit fisnik për shtetin na bën të ndjehemi krenarë dhe të vlefshëm ka shkruar Mustafa./rajonipress/