Reagon menaxhmenti i RTK-së

Menaxhmenti i Radiotelevizionit të Kosovës ka shqyrtuar situatën e krijuar pas publikimit të një letre denoncuese anonime, publikimit të saj në disa media dhe reagimeve që kanë pasuar.

Pas kërkesës së Bordit të RTK-së drejtuar menaxhmentit për sqarime dhe dokumentacion për secilin nga pohimet në atë letër, Menaxhmenti i RTK-së ka prezantuar argumente të faktuara për pasaktësinë e pohimeve që i përmban letra anonime.

Menaxhmenti i RTK-së shprehë gatishmërinë e parezervë për llogaridhënie transparente dhe për veprime në funksion të tejkalimit të problemeve reale me të cilat përballet Transmetuesi Publik.

Afarizmi në RTK është mbikqyrë në vazhdimsi nga Zyra e Auditorit të Përgjithshëm dhe nga Auditori i jashtëm i pavarur. Vetëm për vitin 2011 në RTK janë bërë dy auditime dhe raportet janë publikuar.

Drejtuesit e RTK-së gjithashtu shprehin gatishmërinë që, ashtu si deri më tash të bashkëpunojnë me autoritetet përkatëse në funksion të ndriçimit të çfarëdo dyshimi thuhet në njoftimin e nënshkruar nga Sylejman Shaqiri./rajonipress/