Reagon KF “Drita”, besojnë në pafajësinë e Selver Xhelilit

Gjilan – KF ”Drita” dhe tifozët e saj janë të irrituar me arrestimin e Selver Xhelilit. Ata shpresojnë se drejtësia në rastin e Xheliti do të dali në vend dhe se ai shumë shpejt do të lirohet.

Lajmi për arrestimin e Selver Xhelilit në cilësinë e Drejtorit të inspeksionit komunal, na ka bërë që në të dalim me një komunikatë për media për t’i njoftuar opinionin sportdashës dhe më gjerë thuhet në njoftimin e KF “Drita”.

Ne si kryesi- tifozë të klubit futbollistik “Drita” i kujtojmë disa gazetave ditore në lidhje me arrestimin e zotit Xhelili se ai është arrestuar në cilësinë e Drejtorit të inspeksionit komunal dhe që ne nuk kemi qenë të njoftuar për arsyen e arrestimit të Xhelili.

Arrestimi i Xhelilit në vendin e tij të punës si Drejtor i inspeksionit komunal nuk ka të bëjë fare me pozitën e tij në KF”Drita”.

Pozita e tij në klub në fillim si nënkryetar e tani si Kryetar është e njohur për opinion sportiv, njihet për kontributin dhe angazhimin e tij dhënë për klubin.

Ende nuk dihen detajet e mosmarrëveshjes dhe sulmit fizik, por ajo që dihet – Selver Xhelili kohëve të fundit ka ndërmarrë disa aksione shumë të guximshme kundër krimit dhe grupeve të ndryshme që lidhen me kazinot dhe lojërat e fatit dhe krejt kjo neve si klub na bën të dyshojmë, se a ka qenë sulm apo shantazh ndaj Xhelili?

Neve na vjen keq për ngjarje, por shpresojmë që drejtësia duke shtjelluar argumentet dhe faktet është ajo që e jep fjalën e fundit.

KF”Drita”, tifozët shpresojnë në lirimin sa më të shpejt të zotit Xhelili dhe pafajësinë e tij./rajonipress/