Reagon AKR: Megjithatë, Kujtim Shahiqi nuk është më nënkryetar i kryesisë

Gjilan – Në një reagim të kryesisë së degës së AKR-së në Gjilan thuhet se ngrirja e Vendimit të Kryesisë së Degës së AKR-së në Gjilan për shkarkimin e tij nga posti i Nënkryetarit është vetëm në kokën dhe mendjen e tij.

E lexuam deklaratën e Kujtim Shahiqit në të cilën fund e krye ka të pa vërteta e me qëllim të informimit të drejtë të lexuesve tuaj, Kryesia e Degës së AKR-së në Gjilan jep këtë sqarim:
1. Askush nga Qendra nuk na ka dhënë as më të voglën vërejtje në Vendimin të cilin e kemi marrë për shkarkimin e Kujtim Shahiqit nga posti i Nënkryetarit dhe anëtarit të Kryesisë
2. Me kë ka kontaktuar ai privatisht në Qendër, mbetet çështje e tij
3. Dhe prapë është çështje e vet Kujtim Shahiqit se si paturpshëm, njëanshëm dhe me të pavërteta e dezinformon opinionin. Ai nuk ka kontribuar në formimin e asnjë Nëndege e lere më të sjell ndonjë individ në parti.
Kur thirret për suksesin e gruas së tij në Forumin e Gruas të gjithë e dinë se kontributi i saj është shumë minimal sepse aty kontributi më i madh është i Grupit Punues dhe i Kryetareve të Nëndegëve.
4. Marrëveshjes siç e quan ai “gjentëllmenësh” për tërheqjen e gruas së tij nga Kryetarja e FG të AKR-së dhe që ky të mbetet Nënkryetar i Kryesisë e krejt kjo me qëllim që t’i ikim familjarizimit dhe nepotizmit në parti ai nuk iu ka përmbajt. Po të realizohej kjo Marrëveshje të cilën e ka pranuar edhe ai vet para të gjitha strukturave të Degës, nuk do të vinte te shkarkimi i tij. Skajshmërisht ka bërë obstruksione të nivelit më të ulët.
5. Nuk është e vërtetë që Ismet Hajdini Kryetar i Degës ka pasë dëshirë të madhe të bëhet Kryetar siç thotë Kujtimi, por e kundërta dëshira e madhe e Kujtimit që pas zgjedhjes së gruas së tij Ymrane Shahiqit Kryetare e FG të AKR-së në Gjilan, Kujtimi ka pas dëshirë të madhe që të merr edhe postin e Kryetarit të Degës së AKR-së ose postin e Nënkryetarit të Degës dhe kështu familjarisht me bashkëshorten e tij të kap në dorë Degën e AKR-së në Gjilan .
6. Paturpshëm me intriga, mashtrime, rrena e obstruksione të tjera ka manipuluar Kryesinë e Degës dhe Qendrën në Prishtinë.
Ne anëtarët e Kryesisë së Degës së AKR-së në Gjilan të cilët kemi qenë unik në marrjen e Vendimit për shkarkimin e Kujtim Shahiqit nga posti i Nënkryetarit nuk e besojmë që Presidenti ynë do të humb kohë për t’u marrë me një person të tillë. Sepse Vendimin e Kryesisë e kanë përkrahur njëzerit: Anëtarët e Kryesisë, të gjithë Kryetarët e 20 Nëndegëve, Komplet Forumi Rinor dhe pjesa absolute shumicë e Forumit të Gruas.

Tani ndihemi edhe më të fortë që t’i përballojmë të gjitha sfidat dhe pengesat në realizimin e qëllimeve për fitoren e AKR-së në Gjilan. Rritja dhe fuqizimi i AKR-së në Gjilan dikujt po i pengon ka shkruar në sqarimin e tij Ismet Hajdini kryetar i degës së AKR-së në Gjilan./rajonipress/