Reagim i ashpër i Arben Mehmetit: Po kontrabandohen vendimet dhe propozimet në emër të partisë

Gjilan – Proceset e pandershme në politik dhe eliminimet e kuadrove meritore në procese të ndryshme politike vetëm sa pasqyrojnë dinjitetin dhe moralin njerëzor të atyre që për momentin kanë përgjegjësi politike brenda këtyre subjekteve politike. Kontrabandimi i vendimeve dhe propozimeve në emër të partive vetëm sa për të mbajtur afër dhe avancuar njerëzit pa vlera, servilët dhe transferet e interesave sezonale vetëm sa duhet të forcojnë moralin dhe duhet të jetë motiv shtesë për të luftuar privatizimin dhe tenderomanin e subjekteve politike nga ata që kanë pak merita dhe vlera të dëshmuara në politik ka shkruar Arben Mehmeti.

“Andaj prapaskenat politike pa dinjitet dhe me vlera të kontestuara politike duhet të jetë një arsye më shumë jo për tu tërhequr apo pasivizuar, por për tu angazhuar për të çliruar mekanizmat politik nga ata që punën e tyre e bazojnë në prapaskena dhe linçime politike. Ndërsa nga ata që po punojnë mbi bazën e prapaskenave të natës dhe linçimeve politike është mirë që ata kanë marrë këtë përgjegjësi të suksesit dhe dështimeve dhe besojmë se ata duhet të japin llogari politike për rezultatet e proceseve të ndryshme. Dhe poashtu është mirë që tashmë të gjithë po njohim mirë njëri tjetrin andaj edhe veprimet tashmë lidhen me njohjen e mirë të këtyre proceseve” ka thënë i revoltuar Arben Mehmeti./rajonipress/

Shpërndaje.
© RAJONIPRESS