Gjilan – Gatishmëria dhe pajtueshmëria e plotë për këtë hap të rëndësishëm të PDK-së në Gjilan, dëshmon dhe garanton hapësirë për çdo kuadër e profesionist të të gjitha fushave, për të krijuar një ekip që i ofron qytetarëve tanë një vizion të qartë të zhvillimit të komunës së Gjilanit ka thënë Riad Rashiti.
Postimi i plotë:
Riorganizimi i degës së PDK-së në Gjilan është një domosdoshmëri e kohës për një reformë dhe fuqizim të të gjitha strukturave të degës, për ta bërë edhe komunën e Gjilanit pjesë të fitoreve dhe sukseseve të PDK-së, ashtu sikur në shumë komuna të tjera të Kosovës.
Gatishmëria dhe pajtueshmëria e plotë për këtë hap të rëndësishëm të PDK-së në Gjilan, dëshmon dhe garanton hapësirë për çdo kuadër e profesionist të të gjitha fushave, për të krijuar një ekip që i ofron qytetarëve tanë një vizion të qartë të zhvillimit të komunës së Gjilanit.
Ne do t’i prijmë kësaj reforme bashkë me ekipën e PDK-së, për ta finalizuar këtë proces reformues edhe në degën e Gjilanit, me një kryesi të re në degën e PDK-së, poashtu me një kryesi të të re të Gruas Demokratike dhe të Rinisë Demokratike, gjatë javëve e muajve në vijim.
Përveç kuadrove dhe profesionistëve që janë aktualisht në strukturën e PDK-së në Gjilan, do të ketë edhe kuadro të tjera që nuk kanë qenë më parë në trupat drejtuese të degës, e që tani do të jenë pjesë drejtuese e degës dhe strukturave tjera, e poashtu së shpejti do të ketë edhe emra të njohur e profesionist të dalluar e të suksesshëm në Gjilan dhe përtej, e të cilët do t`i bashkohen PDK-së dhe kështu do të krijojmë elanin e fitores së PDK-së në komunë tonë./rajonipress/
