Rashiti: Organizimi masiv për devijimin e vullnetit të qytetarëve përmes manipulimit të votës së lirë përbën shkelje të rëndë ligjore dhe morale

Gjilan – E pabesueshme me atë se çfarë paska ndodhë në “thertoren” e numërimit të votave në Prizeren, duke dëmtuar seriozisht integritetin e procesit zgjedhor dhe duke cenuar rëndë imazhin e Partisë Demokratike të Kosovës, e që duhet kërkohet edhe llogaridhënie partiake ka shkruar Riad Rashiti.

Postimi i plotë:

Organizimi masiv për devijimin e vullnetit të qytetarëve përmes manipulimit të votës së lirë përbën shkelje të rëndë ligjore dhe morale dhe duhet të marrë dënimin e merituar nga institucionet e drejtësisë.

Në Gjilan, përkundrazi, me kohë dhe para fillimit të procesit të numërimit, janë zhvilluar takime me të gjithë komisionerët e numërimit dhe vëzhguesit, me qëllim që procesi të zhvillohej në mënyrë të rregullt, të ndershme dhe transparente. Si rezultat, numërimi i votave për kandidatët ka kaluar pa probleme.

Falënderoj të gjithë komisionerët për korrektësinë dhe përgjegjësinë e treguar, duke dëshmuar se procesi zgjedhor mund dhe duhet të mbrohet nga çdo tentativë manipulimi.

Uroj që manipulime të tilla të mos jenë shtrirë edhe në komunat e tjera të Kosovës dhe që procesi zgjedhor të ketë ruajtur integritetin e tij në të gjitha komunat tjera.