Rashiti: Kryetar shliroje Gjilanin sa më parë, qu sot jep dorëheqje, nesër është vonë

Gjilan – Për dështimin e mbajtjes së seancës së Kuvendit Komunal përgjegjës është vetëm kryetari i Gjilanit, askush tjetër. Ky e donë terrin informativ, ky donë qysh të dojë dhe çka të dojë me informu qytetarin e Gjilanit. Po mendon që është duke qeverisë në Korenë Veriore ka shkruar Riad Rashiti.

Postimi i plotë:

Për dy arsye po dështon mbajtja e seancave të rregullta të Kuvendit Komunal;

1. Mos transparenca e cila është instaluar në jetën institucionale nga qeverisja e VV-së dhe kryetari i Gjilanit
2. Vetë VV nuk i ka numrat e vet, po mungojnë qëllimshëm për me dështu seancat e Kuvendit Komunal dhe për të akuzuar një pjesë të opozitës
   PDK ka shprehur gatishmërinë për të kontribuar për daljen nga gjendja e jashtëzakonshme në komunën e Gjilanit, si pasojë e dështimeve të jashtëzakonshme të këtij kryetari kryeneç.
   Ky e don terrin informativ, ky donë qysh të dojë dhe çka të dojë me informu qytetarin e Gjilanit. Po mendon që është duke qeverisë në Korenë Veriore.
   Sot po i publikojmë disa nga vendimet e Agjensionit për Informim dhe Privatësi, që ka konstatuar se komuna e Gjilanit nuk po respekton ligjin për qasje në dokumente publike.
   PDK ka adresuar disa kërkesa për tu informuar lidhur me ngecjen e punimeve në shumë projekte, nuk po na ofrohen kopjet e dokumenteve që na i lejon ligji për qasje në dokumente publike.
   Nuk jetohet dhe as nuk qeveriset në terr.
   Kryetar shliroje Gjilanin sa më parë, qu sot jep dorëheqje, nesër është vonë./rajonipress/