Rashiti : Kryesia e Degës së PDK-sё në Gjilan, nuk do të luaj “Loto”!

Gjilan – Procesi zgjedhor nё degёn e PDK-sё nё Gjilan është zhvilluar relativisht mirë, por besojё qё mund tё përmbyllet edhe më mirё, duke zgjedhur njё kryetar dege i cili mundet dhe dinë qё edhe mё tutje ta dёrgojё Partinё Demokratike tё Kosovёs drejt sukseseve dhe fitoreve tё reja nё Gjilan thotë Riad Rashiti anëtar i kryesisë së PDK-së në Gjilan.

Rashiti tha për rajonipress se degёn e PDK-sё nё Gjilan duhet ta drejtoj njё njeri me integritet tё plotё personal, me vlera dhe me dije tё larta tё udhëheqjes, njё njeri qё ka kontribuar dhe i ka sjellur dobi dhe fitore degёs sё PDK-sё, qё i ka sjellur tё mira qytetarit tё Gjilanit, qё ka respektuar rendin dhe ligjin, qё ka treguar se angazhohet pёr PDK-nё dhe Gjilanin, e jo pёr interesa tё ngushta personale dhe familjare apo grupore.

“Në degën e PDK-së në Gjilan, herë pas here janë bërë anashkalime dhe shkelje statutore të partisë, zgjedhja e kryetarit të degës në mënyrë jashtëstatutare. Nuk ka funksionuar si duhet Këshilli i Degës, janë pasivizuar të gjitha Komisionet Profesionale (me përjashtim të atij për Shëndetësi), nuk janë respektuar asnjëherë strukturat tjera të degës, kanë dhënë dorëheqje 7-8 anëtarë të Kryesisë së Degës, komunikim dhe aktivitete shumë të dobëta me nëndegët, nuk janë respektuar vendimet e vetë Kryesisë së Degës, dega është e zhytur në obligime financiare. Për këtë gjendje është pajtuar edhe vetë Kryesia e Degës para disa muajsh” ka sqaruar Rashiti.

Sipas tij jashtë institucioneve të komunës, janё punësuar dhe zgjedhur drejtor e menaxher tё ndryshëm si nё PTK, KEK, ATK, APK, e kudo tjetёr, kuadro qё nuk janё tё Gjilanit, ndёrsa edhe sot nё degёn e PDK-sё kemi kuadro profesionale tё papunёsuara. “Pothuajse asnjë përfaqësim nuk kemi në Ministritë e ndryshme të Republikës së Kosovës. Kjo ka ndodhё sepse ish-kryetari i degës Izmi.Zeka, por edhe disa të tjerë janё angazhuar qё t’i realizojnё vetëm interesat e tyre. Nuk i takon një anëtari të Kryesisë tё deklarohet ndaj koalicioneve tё mundshme nё Gjilan, sikur qё kishte ndodhur vitin e kaluar, rreth koalicionit me AAK, që ishte proklamuar se do të ndodhë në muajin shtator, por zoti Zeka e ka mbajtur peng këtë situatë për t`i ruajtur tri pozicionet e tija, e tani ёshtё edhe më qesharake tё deklarohesh se cili koalicion do ta udhëheq Gjilanin nё katёr vitet e ardhshme. Nё politikё nuk ёshtё gjithçka lojё” e ka përkujtuar Rashiti, Zekën.

Rashiti tha se strukturat, anëtarët dhe elektorati i PDK-sё nё vitin 2007 kërkuan ndryshime nё udhëheqjen e Institucioneve Komunale dhe të atyre qendrore dhe qytetarёt e mbёshtetёn kёtё kёrkesё për ndryshime dhe ato janë bërë.” Ndёrsa tani anëtarët dhe elektorati i PDK-sё kanë kёrkuar ndryshime brenda partisë, tё cilat edhe i kanë bërë nga seksionet, nёndegёt, Kёshilli Drejtues, Kryesia e Degёs. Por tani ndryshimet duhet tё ndodhin edhe në prijësin e degës, duke sjellur njё kryetar tjetёr, që ka treguar integritet dhe guxim politik, ka treguar njohuri tё larta dhe ka dëshmuar se nuk ka konkurrencë politike në komunën e Gjilanit, ka treguar se mundet tё bashkëpunoj me tё gjithё nё shёrbim tё rritjes sё Partisё Demokratike nё Gjilan, dhe nё shёrbim tё qytetarёve tё Gjilanit, tё cilёt jam i bindur thellë se do ta mbështesin edhe pёr njё mandat tjetër kandidatin e Partisë Demokratike të Kosovës për Kryetar të Komunёs”.

Strukturat e reja të zgjedhura në degën e Gjilanit janë të përgjegjshme dhe të vetëdijshme për rëndësinë e zgjedhjes së kryetarit të saj, Kryesia e Degës i njeh mirë të gjithë kandidatët për kryetar, sigurisht se edhe i respektojnë, por saktë e dinë se kush duhet t’i prijë degës së PDK-së dhe kush mundet t`i fitojë zgjedhjet e ardhshme në Komunën e Gjilanit.

“Nuk duhet të kemi guxim edhe nevojë për të humbur kohë dhe për të luajtur loto. Të gjithë kanë hapësirë dhe mundësi të gjejnë vendin e merituar në politikë edhe Izmi Zeka, edhe të gjithë të tjerët, vetëm duhet të kemi gatishmëri të plotë që të angazhohemi me mundësit që i kemi dhe të pajtohemi me vullnetin e atyre që na vlerësojnë secilin prej nesh” tha Rashiti./rajonipress/