Raporti slloven, vjen analiza e fortë: Ja çfarë ndodhë pas 6 tetorit, kjo e pret LDK-në, VV-në dhe PDK-në

Pavarësisht rezultateve të procesit zgjedhor, kërkohet një rol më aktiv i SHBA-ve në dekriminalizimin e politikës dhe gjyqësorit në Kosovë përmes një VETTING-u të rreptë ndërkombëtarë…

Analistët politikë të cilët e kanë analizuar raportin e dytë analitik të institutit slloven, IFIMES në prag të zgjedhjeve në Kosovë, konsiderojnë se vërtetë ky është një paralajmërim serioz për ndryshimet e mundshme që mundë dhe do të duhet të ndodhin në skenën politike të Kosovës, me ndikim edhe në Shqipëri e anasjelltas.

Këtë mundësi të një lëvizje pozitive e sheh edhe analisti politik, Florim Zeqa, që sipas tij pavarësisht kredibilitetit dhe besueshmërisë që ka ky institut në analizat e tij, befasitë mundë të ndodhin për shkak të dështimit të vetë politikës në teren, revanshit nga ish opozita e kaluar.

”Sipas parashikimeve të këtij instituti pritet rënia nga pushteti e partive që kanë qeverisur deri më tani me Kosovën, duke shtuar tutje se rënia pushtetarëve aktualë në Kosovë do të ketë ndikim në rënien e pushtetit edhe në Shqipëri. Mirëpo, ka diçka që nuk është përfshirë në analizën e IFIMES. Është dështimi i partive opozitare (LDK e LVV) në arritjen e koalicionit parazgjedhor, fakt ky që ua ngjalli shpresat pushtetarëve të korruptuar që të vazhdojnë edhe më tutje sundimin në gjysmë shtetin e Kosovës’, tha Zeqa për “Kosova Sot Online”.

Madje sipas tij, nëse nuk realizohet parashikimi që bënë ky institut, dhe nëse aksidentalisht përsëri fiton PDK-ja, përgjegjësinë politike e morale para qytetarëve duhet ta bartin LDK dhe VV që nuk gjetën gjuhë të përbashkët për koalicion parazgjedhor në listën e përbashkët kandiduese.

“Në rast të fitores eventuale të PDK-së në këto zgjedhje, përgjegjësia për mos arritjen e marrëveshjes parazgjedhore për koalicion LDK-LVV do të bie mbi këto dy subjekte, për çka, si njëra, ashtu edhe tjetra, për mbrojtjen e parimeve dhe premtimeve elektorale rrezikojnë të mbetën edhe më tutje në opozitë. Bazuar nga përvojat e së kaluarës, mëdyshjet mbetën tek LDK-ja, e cila më shumë se një herë i ka shkelur premtimet dhe betimet elektorale për të “mirën” e shtetit! Përderisa LVV-në, është i vetmi subjekt politik që deri më tani e ka mbajtur fjalën në raport me PDK-në”, theksoi Zeqa për “Kosova Sot Online”.

Sipas tij, nëse elektorati kosovar i mashtrohet edhe kësaj radhe nga mashtrimeve të politikanëve, nga premtimet dhe “betimet” elektorale e të të nominuarëve për kryeministra, zhgënjimin do ta kenë akoma më të madh pas zgjedhjeve të 6 tetorit, prandaj duhet menduar e punuar seriozisht që kjo situatë të mos ndodhë.

“Që ky zhgënjim të mos ndodhë, kërkohet një vetëdije më e lartë qytetare për ndëshkimin me votë e 10 të parëve në të gjitha listat zgjedhore të subjekteve politike që garojnë më 6 tetor”, u shprehë Zeqa për “Kosova Sot Online”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).