Fundamenti

Ranillugu themelon këshillin komunal për siguri

/ 2 minuta lexim

Gjilan – Detyrë e Komitetit Komunal për Siguri të Bashkësisë është që të punojë në identifikimin dhe kushtëzimin e gjërave që i përkasin krimit, sigurisë dhe kualitetit të jetës ka thënë Gradimir Mikiq.

Komuna e Ranillugut duke u bazuar në udhëzimin Administrativ, mbi këshillat komunale për siguri të bashkësisë e ka themeluar Këshillin Komunal për Siguri të Bashkësisë. “Detyrë e Komitetit Komunal për Siguri të Bashkësisë është që të punojë në identifikimin dhe kushtëzimin e gjërave që i përkasin krimit, sigurisë dhe kualitetit të jetës”ka thënë Gradimir Mikiq.

Mikiq ka shtuar se në bashkëpunim me policin do të jenë në gjendje t`i zgjidhin të gjitha problemet dhe vështirësitë që lidhen me sigurinë në bashkësi, dhe kjo do të jetë në interes të të gjithë qytetarëve brenda komunës. Sipas Mikiqit ky komitet do të jetë i përbërë nga zyrtarë të komunës, oficer të policisë dhe udhëheqësish të bashkësisë.

Mobi Casa

Ndryshe, Mikiq thotë se është i kënaqur me punën që ka bërë për këtë periudhë sa ai ka udhëhequr. S`i rezultat pozitiv ku kanë përfituar qytetarët e Ranillugut, Mikiq ka përmendur asfaltimin e shumë rrugëve, ndërtimin e rrjeteve të ujësjellësit në fshatrat e komunës së Ranillugut në fshatrat Ropotovë e Madhe,në Kormijan, ndërtimi i rrjetit të kanalizimit në fshatin Domoroc,etj.

Mikiq i ka vlerësuar si shqetësuese dhe dështim përpjekjet dhe stagnimet, për t`i ndalur të rinjtë dhe kuadrot e afta që të shërbejnë në territorin e Ranillugut. Mikiq ka falënderuar USAID-in, MAPL,dhe organizatat tjera ndërkombëtare për kontributin e tyre që kanë dhënë në ndërtimin e kapaciteteve profesionale dhe njerëzore në këtë qytet./rajonipress/