Ranillugu asfalton rrugët –përmirëson jetën e banorëve

Gjilan- Gradimir Mikic tha se asfaltimi i kësaj pjese do të mundësoj lidhjet e këtyre fshatrave malore me fshatrat tjera të komunës së Ranillugut dhe në shumë gjëra do të lehtësoj jetën e përditshme të qytetarëve.

Pas përfundimit të procedurës tenderuese ka filluar asfaltimi i pjesës së rrugës Rajanoc –Ropotovë e Madhe në gjatësi prej 3 kilometra.

Kryetari i Ranillugut Gradimir Mikic tha për rajonipress se ky projekt ka rëndësi të madhe për banorët e fshatit Rajanoc dhe fshatrat për rreth .Procedura e tenderit për projektin e asfaltimit të rrugës Rajanoc – Ropotovë e Madhe, ka përfunduar javën e kaluar dhe në periudhën e ardhshme, dhe qysh këtë javë do të filloj së realizuari tha ai.

Ndërmarrja ndërtimore “Bejta Comerc” nga Gjilani ka fituar tenderin e kësaj rruge në vlerë prej 54.997,11 euro.

Asfaltimi i kësaj pjese të rrugës në gjatësi rreth 3 km ka rëndësi me prioritet para së gjithash për banorët që jetojnë në fshatrat Rajanoc, Bozhec dhe Odec, gjithashtu edhe për banorët e komunës së Ranillugut.

Mikic tha se rruga momentalisht është në gjendje të keqe, dhe paraqet problem të madh për shfrytëzuesit direkt gjegjësisht vendësit, kështu që implementimi i këtij projekti do të lehtësoj lëvizjen e tyre, e posaçërisht gjatë dimrit kur për shkak të reshjeve të mëdha të bores në këto anë lëvizja është e kufizuar.

Gjithashtu asfaltimi i kësaj pjese do të mundësoj lidhjet e këtyre fshatrave malore me fshatrat tjera të komunës së Ranillugut dhe në shumë gjëra do të lehtësoj jetën e përditshme të qytetarëve.

Në Ranillug gjithashtu ka filluar edhe asfaltimi i rrugëve në drejtim të ndërtesës së re administrative të komunës në gjatësi të përgjithshme prej 3259 metra.

“Komuna e Ranillugut si deri më tani, vazhdon realizimin e projekteve me rëndësi të madhe për vet komunën, dhe për banorët e komunës që jetojnë në territorin e saj. Siç janë punët në përfundim të ndërtesës së re administrative vazhdon edhe me projekte përcjellëse që lidhen për ndërtesën e re administrative të realizohen në afat sa më të shkurtër” tha Mikic.

Një nga komponentat e rëndësishme është edhe infrastruktura rrugore, gjegjësisht asfaltimi i infrastrukturës rrugore ekzistuese e cila të dërgon tek ndërtesa e re administrative e komunës së Ranillugut.

Ministria e Administratës së Vetëqeverisjes Lokale i ka ofruar komunës përkrahje rreth realizimit të këtij projekti që të mundësohet komunikimi më i lehtë dhe më i mirë dhe me vet këtë të ngritët niveli i kualitetit i jetës së qytetarëve në nivel më të lartë.

Procedura e tenderit rreth realizimit të këtij projekti kanë përfunduar, dhe është nënshkruar kontrata me kryesin e punëve N.T.P. “BASS COM” nga Gjilani i cili ka fituar këtë projekt në vlerë prej 140.653,85 euro.

Me këtë projekt është paraparë asfaltimi i katër rrugëve që qojnë te ndërtesa e re e komunës në gjatësi prej 3259 metra dhe këtë:Asfaltimi i rrugës Ropotovë e Madhe – Komuna e Ranillugut,asfaltimi i rrugës Ropotovë e Madhe(Ferma),,asfaltimi i rrugës nga çeshmja e Tomancës,asfaltimi i rrugës nga rruga e Tomancës – rruga drejtë Komunës tha Mikic./rajonipress/