Gjilan – Senad Ramaj drejtor ekzekutiv thotë se në fuqi vazhdon të mbetet vetëm vendimi i Bordit të Aksionerëve i cili ka vendosur tarifën prej gjashtë eurove, kurse votimi që ndodhi në Kuvendin Komunal nuk është obligativ për ne shprehet ai.
Votimi për të ndryshuar tarifën e “Eco – Higjiena” dhe bërë auditimin sipas të gjitha gjasave ka mundësi të shkoj huq, sikurse votimi për tatimin në pronë.
Senad Ramaj drejtor ekzekutiv ka sqaruar se mbetet në fuqi vetëm vendimi që ka marrë Bordi i Aksionerëve para pak ditësh.”Ne jemi marr vesh në Bordin e Aksionerëve për ngritjen e tarifës në 6 euro dhe vetëm ky vendim mbetet në fuqi, ndërsa nuk na obligon asgjë votimi që ndodhi në Kuvendin Komunal” sqaron Ramaj.
Ramaj është i befasuar me mënyrën se si po kërkohet të zbatohet partneriteti.”Ne që nga fillimi jemi përkushtuar që ta respektojmë çdo detaj dhe të jemi në shërbim të cilësisë e klientëve tanë të respektuar. Nëse e shikoni historinë dhe zhvillimet si kanë rrjedhur mund ta gjeni fare lehtë përgjigjen se kush në fakt i ka shkelur ose dëmtuar obligimet e partneritetit” tha Ramaj./rajonipress/
