Ramadani: Siguria në Kosovë, kurrë më e keqe

​Njohësi i proceseve politike në vend dhe të sigurisë, Burim Ramadani, ka thënë se kriza politike do të mund të tejkalohej shpejt pasi Qeveria ta marrë përgjegjësinë shtetërore për situatën e krijuar nga qasja e saj dhe opozita të largohet nga metodat e deritashme.

Ramadani ka thënë në një intervistë për “Epokën e re” se siguria në vend kurrë nuk ka qenë më e keqe.

Duke i komentuar veprimet e fundit, djegien e veturave dhe hedhjen me koktej molotovi në objektet e institucioneve, Ramadani ka thënë se këto veprime po e fusin Kosovën në një shkallë më të rrezikshme dhe më të rëndë. /Gazeta Express/