Rama: Nuk kam interesa politike në Kosovë

Kryeministri i Shqipërisë Edi Rama është deklaruar për raportet me Albin Kurtin dhe skenën politike në Kosovë.

Rama në emisionin Rubikon ka deklaruar se ai nuk ka interesa politike në Kosovë.

“Nuk kam ardhur në Kosovë për të bërë takime për ndonjë interes të caktuar. E para unë nuk kam ndonjë interes politik në Kosovë në sensin se nuk kam asnjë parti politike të regjistruar në Kosovë. Poashtu nuk jam i afiluar me ndonjë parti ekzistuese politike në Kosovë. Nuk kamë marrë pjesë në ndonjë palë zgjedhje këtu dhe as që kam ndërmend ta bëjë një gjë të tillë”.

Rama e ka konsideruar ish-presidentin Hashim Thaçi, vëlla.

“Për mua Hashimi nuk është ndonjë autoritet i Kosovës por vëlla”.

“Unë kam ardhur këtu siç kam shkuar në Maqedoninë e Veriut për një proces ku çdo vend është i interesuar të marrë pjesë. Unë kam folur edhe me Presidenten por ajo merret me tema tjera. Presidentja nuk merret me organizimin për pjesëmarrjen e Kosovës në Samit. Kam folur edhe me Kryetarin e Kuvendit i cili është djal shumë simpatik, por ai nuk ka lidhje me këto gjëra. Thjesht ai është djalë shumë simpatik në kuptimin e mirë të fjalës”, deklaroi Rama./Telegrafi/