Rama: Kërkimfalja e Serbisë ndaj Kosovës duhet të vijë në fund e jo në fillim

Kryeministri shqiptar Edi Rama në konferencën me gazetarët në Beograd tha se Open Balkan ndihmon dialogun mes Kosovës dhe Serbisë.

Sipas tij, ai është një urë komunikimi mes dy vendeve, duke kujtuar Luftën e Dytë Botërore, ku falja e Gjermanisë ndodhi në vitin 1969.

“Jam shumë dakord që Serbia duhet të kërkojë falje. I vihet kapaku, do t’i japi zgjidhje përfundimtare të njohjes së Kosovës nga Serbia. Mendoj se falja vjen në fund. Nuk ka ardhur falja e Gjermanisë në vitin 1945 por në 1969. Gjermania dhe Franca kanë bërë çdo gjë dhe e kanë filluar me marrëveshje të natyrës ekonomike, me traktatin e qymyrit dhe çelikut se në këtë mënyrë krijohet një atmosferë tjetër. Open Balkan sigurisht që nuk është një çelës magjik, është një proces që ndihmon. Kemi një konflikt të trashëguar nga lufta që duhet ta zgjidhim. Ti mohosh vetes, vendit tënd popullit tënd të mirat që sjell procesi. Sa i përket Maqedonisë së Veriut është çështje politikë. Ata po humbasin kohë, por do të vijnë se nuk kanë rrugë tjetër, nuk është visibël të rrish i mbyllur. Kufiri mes Shqipërisë dhe Kosovës, Balkani i Hapur sjell mundësinë që të kemi në realitet atë që duam prej vitesh, të hiqet kufiri”, tha Rama.