Kamenicë – Kryetari i Komunës së Kamenicës, Kadri Rahimaj, sot ka pritur në takim drejtoreshën e organizatës Peace Corps Kosovo, Carolyne Siganda.
Rrjeti i vullnetarëve të Peace Corps është i shtrirë nëpër shumë vende të botës, duke përfshirë edhe Kosovën. Për tetë vite radhazi, Komuna e Kamenicës ka qenë nikoqire e vullnetarëve, bashkëpunim ky që do të vazhdojë edhe më tutje.
“Në shtator të këtij viti, do të presim edhe vullnetarët e parë, pas më shumë se dy vitesh ndërprerje të këtij programi, për shkak të situatës pandemike”-tha Rahimaj.
Kryetari Rahimaj, ka ofruar bashkëpunim të plotë, duke thënë se për Komunën e Kamenicës është me rëndësi shkëmbimi i eksperiencave dhe përvojave me vullnetarët./rajonipress/
